大船回憶

大家可曾記得以前來往港澳兩地既大船？80年代南山輪、泰山輪和廬山輪，大家又坐過嗎？其中南山輪當年比較新淨，屋企人每次坐到都好開心。大船分大倉、唐餐樓、西餐樓、航空位、貴賓房等等級，家人每次都揀唐餐樓，即碌架床位，夜晚上船可以訓一覺，天光就可以落船。當中呢類床位亦有唔少笑料… 床與床之間距離非常近，可以直接同隔離床位大叔握手，好彩的話仲可以享受陣陣鹹魚腳味道同環迴立體鼻鼾聲。而到咗清晨時分會有船員親自morning call用棍敲打床邊叫人起身準備落船，此舉非常貼心，同時亦令人有囚犯既感覺。
今時今日噴射飛航只需一個小時，雖然比以前方便得多，但大船喺老澳門、老香港心目中絕對係永遠不能忘記的回憶。