某日翻開櫃桶入面既舊照片，先記得澳門曾經有呢個兒童遊樂場。雖然距離現在已經超過30年，而且人生只去過一次，但到今日我仍然記得當日爸爸帶我去玩既每一個片段。此遊樂場令我印象最深刻係有一架會捐山窿既小火車，而我上呢架火車之前我係完全唔知情，眼見自己即將進入前面漆黑一片既山窿，我嚇得即刻大喊出嚟，然後跳車逃跑，結果被爸爸媽咪笑到臉黃，呢架火車絕對係童年陰影。除咗恐怖小火車，遊樂場裏面仲有相中既波波池，雖然冇香港「歡樂天地」既咁大，不過當年已經好開心。
今時今日，遊樂場早已消失，連一點歷史痕跡都搵唔番，至於黃金商場都已經變得面目全非了…當年既舊貌，就只可以喺舊相片中回味吧！
投票說明

1. 點擊圖片下方標幟加入圖片。

2. 每人每日可投三張不同圖片，按“提交”鍵完成本日投票。提交前可調整選項，確定提交後不能退回。

3. 投票期至2023年11月30日，歡迎每天投選心水圖片並與朋友分享本投票活動。

提交

更新日期 2023/08/25